Saint-Louisien Déchaîné

Na in peu i di « le monde entier i vaut pas la z’aile un moustique », seulman tous les soirs banna dann namaz la pou roter pars zott la tro mangé avant ni massid.
Na in pé i koz gro zorey sanm zott marmay, i donn a ou même gros zorey macott pou fais monte a ou zott lé sipériér ou chais pas kossa. Solman banna même i fais semblant zott i aime pas jouer scrabble pars zott i koné pas in merde koman tel ou tel mot i écrit et zott la peur fais faute, monte toutt de moune comment zott lé couillon en fin de compte.
Na in pé i fais zott gros zozo dann bel bel loto, na d’ott i mett a ou la sono là à fond pou fais vantard. Satt na gro loto souvent de fois ta mem pas zott ou bien la pocor paye crédit dessus. Satt i passe sanm zott musique à fond i fais rienk chier toutt de moune : na un jour i appelle demain ou sa zott va gaign le coup et après zott va rodé a koz.
Na in prof zorey i vienn débark la rényon. Là li vient luniversité tampon apprend bann rényoné la « sociolinguistique ». Solman li moucate bann marmay zarab i apprend coran par kér ké i récite comme perroquet : di a li vient écoute banna réciter tous les soirs kan zott la finn pass un journée sans manger, va war si zott lé perroquet ou bien si c’est pa li la trompe pays destination.
Té, mi di pi rien. Ta lér na inn dé va di encor mi lire trop. Sirtout par lé temps qui courent, bann de moune i lire lé mal vi. Pire encor si zott i lire liv Axel Gauvin la écrit en 1975, « Du créole opprimé au créole libéré ».
Alé, nartrouv.
N.HOUSSEN